अबोली !!!
.
*
अजस्त्र ज्वाला लपापणा-या कणात माझ्या!
सहस्त्र लाटा उधाणती का मनात माझ्या?
*
मनाप्रमाणे निकाल लावू भल्याभल्यांचा,
मनुष्य कोठे.....? कुबेर मिंधा धनात माझ्या!
*
जगोत किंवा मरोत कोणी तमा कुणाला?
लखाखणारा सुराच आता ऋणात माझ्या!
*
घरी नि दारी सदैव नांदी नराधमांची,
मिळे उपेक्षा पदोपदी ’या’ जनात माझ्या!
*
सुगंध देणे,मिटून जाणे क्षणाक्षणाने,
मुक्या-मुक्याने भिने अबोली तनात माझ्या!
*
-सुप्रिया (जोशी) जाधव.
गझल
- प्रतिसाद देण्यासाठी येण्याची नोंद करा