डोळे

मयूर - ८ जुलै २००८ ⏱ १ मिनिट

बघता बघता विझले डोळे
हसता हसता भिजले डोळे

आठवणींचे वादळ आले
एकाएकी थिजले डोळे

दु:खाला मी तासत गेलो
माझ्या नकळत झिजले डोळे

ह्या अश्रुंचे आधण झाले
आयुष्याचे शिजले डोळे

स्वप्नांचा हा जागरगोंधळ
नाही माझे निजले डोळे

गझल

प्रतिसाद देण्यासाठी येण्याची नोंद करा

जीवनाची सर्व पाने काय सोनेरीच होती ? सारखी तेजाळणारी ओळ एखादीच होती !

जीवनाची सर्व पाने काय सोनेरीच होती ?
सारखी तेजाळणारी ओळ एखादीच होती !