ज्वानी भरात आहे,मदमस्त रात आहे.
ज्वानी भरात आहे, मदमस्त रात आहे
मुखचन्द्र मेनकेचा, माझ्या करात आहे
जो ना दिसे कधीही, का पूजिता तयाला?
नारायणास शोधा, नक्की नरात आहे
फिरवून बोट माझे, ह्या ब्रेलच्या लिपीवर,
मी शोधितो स्वत:ला, ह्या अक्षरात आहे
मी खोदतो कधीचा, आटून जाय तॄष्णा,
केंव्हा मिळेल पाणी, कुठल्या थरात आहे?
हा श्वास मोकळा मी, घेताच जाणिले की,
बळ लांघण्या गिरी हा, माझ्या परात आहे
घ्या आज शायरांनो, भरुनी हरेक प्याला
दरिया रितेपणाचा, ह्या अंतरात आहे
-मानस६
- प्रतिसाद देण्यासाठी येण्याची नोंद करा