कसे सांगायचे

ईमले स्वप्नातले 'नावे' कसे मांडायचे
वागण्याचे ते खरे 'कावे' कसे सांगायचे

रिक्त होते मापटे ते वेस ओलांडायचे
प्रश्न होता मी तिला 'यावे' कसे सांगायचे

जीवघेणे नेत्र चाळे ते कसे टाळायचे
संभ्रमांना आज या 'दावे' कसे बांधायचे

मोह झाला खूप आता, मार्ग ना परतायचे
क्लीष्ट सारे ते जसे 'भावे' तसे सांधायचे

सात जन्माचे तिचे नाते कसे खोडायचे
डाव तो जो मांडला 'भावे' तसे नांदायचे

बास झाले खेळ तूझे, एकटे मज राहु दे
प्रश्न होता मी तिला 'जावे' कसे सांगायचे