..मी कुठे काही म्हणालो ?

...गझल...

त्याच रीती , त्याच चाली , मी कुठे काही म्हणालो ?
तेच ओझे , ती हमाली , मी कुठे काही म्हणालो ?

वाढते वय धावते माझ्यापुढे , टाकीत धापा ,
सांगती ह्या हालचाली , मी कुठे काही म्हणालो ?

मजवरी होत्या परजल्या आज तलवारी, तरी तू 
ठेविल्या लपवून ढाली , मी कुठे काही म्हणालो ?

शुभ्र खादीचे कवच अन कुंडले धारण करोनी ,
भाषणे देती मवाली , मी कुठे काही म्हणालो ?

"आपुली ही प्रीत ,सजणा, जन्मजन्माचेच नाते",
तीच हे सारे म्हणाली , मी कुठे काही म्हणालो ?

...शॅलेश कुलकर्णी.