ना दिवाळी पाहिली या लक्तराने !!!
.
*
ज्ञान का वाढे कुणाचे दप्तराने,
ना फ़ुलासी गंध येणे अत्तराने!
*
थांबवा थोतांड भोंदू-दांभिकांचे,
का खरे मरतात कोणी पंचकाने?
*
कुंभकर्णी वंश माझा हीच ख्याती,
का उडावी झोप एका ’दस्तकाने’ ?
*
माजलेली घूसखोरी आत्मघाती,
घेतली का दाद काही लष्कराने ?
*
पावणे ना देव कोणाही बळी दे,
गांव वेडा शेंदरी या ’पत्थराने’ !
*
भव्य होती रोषणाई त्या महाली,
ना दिवाळी पाहिली या लक्तराने !
*
-सुप्रिया (जोशी) जाधव.
गझल
- प्रतिसाद देण्यासाठी येण्याची नोंद करा