पुन्हा त्याच दृष्यांवरी भाळणे
पुन्हा त्याच रस्त्यात रेंगाळणे
जशी फाटते तप्त धरणी तसे
तुझे आतल्या आत भेगाळणे
कशाला कुणाची हवी सांत्वना
मला तू, तुला मीच सांभाळणे
धृवा सांगते खूप काही मला
तुझे एकट्यानेच तेजाळणे
कुणाच्या वधाची असे बातमी
नभाचे असे रोज रक्ताळणे *
अनंत ढवळे
( पानगळीतून.. * मीर च्या गोर किस दिलजले की है ये फलक / शोला इक सूबहु यां से उठता है या शेरावरून प्रेरित )
गझल
- प्रतिसाद देण्यासाठी येण्याची नोंद करा