उभी राहिली जेंव्हा नाती सीमेवरती
क्षणात घडली, क्षणात विरली ... सीमेवरती
जिला ठेविले हृदयामधुनी जन्मोजन्मी
ठरवत होतो भेट घ्यायची ... सीमेवरती
थंड मनाने घरीच ती झोपली सुखाने
तेंव्हा उठल्या ज्वाळा काही ... सीमेवरती
मनामनांची भाषा ज्यांना समजत नाही
ते करती विश्वाची होळी ... सीमेवरती
अन्यायाला वाचा फुटते कणाकणातुन
ठरत नसे इथली की तिथली ... सीमेवरती
नकळत जेंव्हा सर्वस्वाला देउन बसलो
तिने ठेविले हृदयाच्याही ... सीमेवरती
देउन अपुल्या हृदयाला ती मला म्हणाली,
'भेटत जाऊ रोज... पण तरी ... सीमेवरती'
गझल
- प्रतिसाद देण्यासाठी येण्याची नोंद करा