संताप

संताप
-----------------------------------------------------------------
हा नसे अभ्यास आणि हा नसे आनंदही,
गीत हा संताप माझा आतला आवाजही....

कैकदा प्रत्येकवेळा मी जरी नाकारले,
गीत आहे प्राण माझा घेतलेला श्वासही...

भोगलेले शाप सारे मोजले नाही कधी,
लेखणी उ:शाप आहे आसरा आधारही...

का सुखाला हाक देण्या शब्द होते धावले,
दूर गेले स्वप्न झाले पोरके आभासही...

मी ईमाने डाव माझा खेळलो होतो जरी,
हारलो सारेच आता घेतलेला शापही.....

मी असा जाहीरतेने पेटलो होतो कुठे?
शेवटी मी पेटताना जाळले आकाशही....

--------------------------------------------------------नचिकेत भिंगार्डे