सोडले तेंव्हा तुला रागात आम्ही..!
आज नाही कोणत्या वादात आम्ही..!
बिंग फुटले आमच्यावर हासण्याने;
मोजले तुमचे दुधाचे दात आम्ही..!
नेहमी येते गळ्याशी का कळेना...
पाडली होती कुठे बरसात आम्ही..!
प्रेम हे समजेल का त्या काळजाला?
की तसे समजायचे प्रेमात आम्ही..?
जा तुलाही पाहिजे ते ते करुन घे!
ठेवली आहे जरा म्यानात आम्ही..!
तोडले सारे तरी थोडे अडकतो;
कोणत्या ना कोणत्या जालात आम्ही..!
शेवटी सीमाच असते वर्तुळाला..
ना भरे त्रिज्या; म्हणे व्यासात आम्ही ..!
गझल
- प्रतिसाद देण्यासाठी येण्याची नोंद करा