जरा नक्की ठरव आहे हवा की मी नको आहे
नको असलो तुला मी तर मलाही मी नको आहे
'सुगंधी केस वाळावे तिचे नाहून आली की'
सदिच्छा पाहिजे आहे तरीही मी नको आहे
मला होते हवे, मीही हवा होतो मनाला पण
अता ती पाहिजे त्याला जिला की मी नको आहे
कसा माझा हवा आहे तुम्हाला फायदा सांगा
उगा छाती नका ताणू उगा मी मी नको आहे
कशाला मी असावे का असावे वा नसावे मी?
असाही मी नको आहे तसाही मी नको आहे
सफाई मागण्याची मी सफाई मागतो आहे
जगाला पाहिजे आहे सफाई, मी नको आहे
गझल
- प्रतिसाद देण्यासाठी येण्याची नोंद करा