स्वप्नं मोहरणार.. बघ आता पुन्हा
ही फुले फुलणार बघ आता पुन्हा
मज वसंताने दिला आवाज हा..
पालवी फुटणार बघ आता पुन्हा
काय होते त्या क्षणांचे मागणे ?
प्रश्न हा पडणार बघ आता पुन्हा
दशदिशांना गुंजती ताना तुझ्या
चंद्र गुणगुणणार बघ आता पुन्हा
मिसळुनी जाईल... अपुले गीत हे
स्वर असे जुळणार बघ आता पुन्हा
थांबलेली वाट... चालू लागली
पावले वळणार बघ आता पुन्हा
बोलणे... डोळ्यात साचू लागले
शब्द हे भिजणार बघ आता पुन्हा
- जनार्दन केशव म्हात्रे
२/ खलिफा निवास, गांधी नगर, जुना बेलापूर रोड,
कळवा-ठाणे ४००६०५. भ्रमणध्वनी: ९३२३५५५६८८
गझल
- प्रतिसाद देण्यासाठी येण्याची नोंद करा