रोजचा छळवाद आता टाळतो
मी तुझी ती याद आता टाळतो
पाहिजे आहे मनाला शांतता
एवढाही वाद आता टाळतो
मूळ भाषेची खुमारी आगळी
वाचणे अनुवाद आता टाळतो
सोडले लिहिणे गझल केव्हाच मी
मानभावी दाद आता टाळतो
साद स्वप्नांनी कितीही घातली
मी तरी प्रतिसाद आता टाळतो
हा पहा मृत्यूसवे मी चाललो..
जीवनाची ब्याद आता टाळतो
दीपावलीच्या सर्वांना शुभेच्छा..!
गझल
- प्रतिसाद देण्यासाठी येण्याची नोंद करा