उगाच जाते

कधी कधी जायलाच येते, कधी कधी यायलाच जाते
कधी कधी ती उगाच येते, कधी कधी ती उगाच जाते

"उगाच आले, चुकून रस्ता, तुला न मी भेटण्यास आले"
असे म्हणोनी झकास लाजे, रुसायची कामनाच जाते

कधी कधी ती खुशाल देते भिजून अंगास पावसाने
'पुसायची अंग ओढणीने' पहावयाची मजाच जाते

"जमायचे ना मला उद्यापासुनी तुला भेटणे" म्हणाली
"रडू उद्यापासुनी" म्हणे" थांबते इथे मी, उद्याच जाते"

अता न येणार ती, कशाला बघायची वाट नेहमीची?
अता इथे सोबतीस माझ्या व्यथाच येते व्यथाच जाते