हरवलेल्या सावल्यांना शोधतो
मी पुन्हा जखमा जुन्या त्या मागतो
आठवांच्या आज ही आल्या सरी
कोण डोळ्यातून माझ्या वाहतो?
ह्या दिशा दाही मला बोलावती
मी परी देहात माझ्या गुंततो
खेळ प्रेमाचा जरासा वेगळा
जिंकण्या साठी स्वतःला हारतो
चांदण्याशी काय बोलू रोज मी?
मग कशासाठी असा मी जागतो
ही कशी हातास मेंदी लावली?
डाग रक्ताचा कुणाच्या वाटतो!
झोपलो नाही कधीचा शांत मी
हाक मज आतून कोणी मारतो
ह्या वजाबाक्याच ह्या ना बेरजा
श्वासश्वासांना जरी मी जोडतो
-विश्वास
गझल
- प्रतिसाद देण्यासाठी येण्याची नोंद करा