असा मी असामी

दाती तृण धरून घेत गेली सपशेल शरणागती
मोहाच्या गनिमी लढ्यात मुकली देहास माझी मती

लाजे कोण, कुणी कवेत घेई, घेई उखाणे कुणी
चुंबे कोण, वडास कोण पुजते, भलतीच जाई सती

भानावर असता मला कधी जो भगवंत ना आठवे
प्याला मी गिळताच आठवावा, ही केवढी उन्नती !

कविता का करतो नका विचारू, प्रतिभा जरा ढापली
कर भरणे क्रमप्राप्त हो तयाचा, ज्याची नसे पावती

भेटू हे ठरवून फक्त मृत्यो, उपयोग काही नसे
पाउल टाक जरा भराभरा तू, की वाढवू मी गती?

अपूर्ण......