तुंबले आहेत साठे खालच्या हृदयाकडे
आसवांनो व्हा पुढे व्हा अन वळा डोळ्याकडे
हात होतो मोकळा दीवान रचुनी सारखा
पाहते बुद्धी भयाने आपल्या हाताकडे
माहिती नाहीत पृथ्वीची गुरुत्वाकर्षणे
तीच येते सारखी चिकटायला माझ्याकडे
मी उभा की आडवा पाहून ते ठरवे दिशा
त्याहुनी काही न तरणोपाय अवकाशाकडे
काय ही आकाशगंगा फाटलेली, दे नवी
तो म्हणे की हीच आहे एवढी त्याच्याकडे
श्वास राही येत माझ्या गझलच्या आशेमुळे
देह माझा चालतो पाहून त्या श्वासाकडे
गझल
- प्रतिसाद देण्यासाठी येण्याची नोंद करा