"म्हणून जगणे आले"-
जन्माला जगती आलो, म्हणून जगणे आले
मरणे ना अपुल्या हाती, म्हणून जगणे आले!
फुलले गुलाब भवती - काटेच टोचती मजला
वेदना खोलवर तरिही, जगण्याला जपणे आले!
घायाळ पहाण्या मजला - हे सगेसोयरे टपले
जखमी ना दिसण्यासाठी - मुखवटयात हसणे आले!
ठेवण्या सुखात तयाना मी वाल्या कोळी झालो,
ते वाटेकरी सुखाचे - प्रारब्ध भोगणे आले!
मम जीवन दुस-यासाठी, की स्वतःस जगण्यासाठी?
मजला ना सुटले कोडे - म्हणून जगणे आले !!
गझल
- प्रतिसाद देण्यासाठी येण्याची नोंद करा