"आहेस माझा" म्हणाली, फार झाले!
"मा़झाच राजा" म्हणाली, फार झाले!
आलाच तो श्वास कानी गंधलेला
"आहेस ठोंब्या" म्हणाली, फार झाले!
आली मला तीच भेटाया त्वरेने
"आहेस माझा" म्हणाली, फार झाले!
हे प्रेम की वासना नाही कळाले
"वा! रे शहाणा" म्हणाली, फार झाले!
मी शेवटी तो दिला होकार माझा
"आहेस वेडा" म्हणाली, फार झाले!
ताब्यात ना हालचाली आज माझ्या
"दे हात हाता " म्हणाली, फार झाले!
गझल
- प्रतिसाद देण्यासाठी येण्याची नोंद करा