कोणती धुंदी चढावी काळजावर ?
ना तसे काळीज उरले धुंदल्यावर..
लढ जसे तू पाहिजे पण काळजी घे..
आपला फासा न यावा... आपल्यावर
'सांगणे त्याने घराणे बंद केले...'
स्वप्न ही पडतात हल्ली जागल्यावर
बोल तूही जे जसे बोलायचे ते
काय कामाची प्रसिद्धी...? झाकल्यावर?
आपले संबंध इतके मोकळे की,
मोकळे वाटून गेले तोडल्यावर...
'ही निघाले..' बोलते आहेस नुसते...
कोण येथे भाळले आहे तुझ्यावर ?
कोणती झाली न शिक्षा आजही अन्
काढले खटले निकाली शेकड्यावर..
बोलते आहेस आता, 'काय झाले?'
घाव इतके घालुनी माझ्या मनावर..
'ठेवले नाते अजूनी... जोडलेले..'
कोणते उपकार केले आमच्यावर..?
गझल
- प्रतिसाद देण्यासाठी येण्याची नोंद करा