नाही खचायाचे

नाही खचायाचे कुणाच्याही नकाराने...
-मिळतो दिलासा केवढा नुसत्या विचाराने !

केवळ कुठे झाले तुझे नुकसान पैशांचे?
गेलीच अब्रूही तुझी झाल्या प्रकाराने !

हुसकून लावा फाटकाबाहेर शंभरदा..
लोचट पुन्हा येईल ते मागील दाराने

प्रेमामुळे होते तुझ्यामाझ्यात काहीसे
सारे कसे ते संपले एका कराराने ?

घ्यावेत सल्ले पाहिजे तितके दरेकाचे
जावे अखेऱीला पुढे अपुल्या विचाराने