शब्द बेहोश कर, मौन मदहोश कर
खूपसे बोललो वायफळ आजवर
थेट मरणार नाही उन्हाने कुणी
पाज अलगद कवडशांमधोनी जहर
एक शाश्वत अशी पानगळ दे मला
जीवना रे नको एक नश्वर बहर
झाक डोळे ढगानेच चंद्रा तुझे
चांदणीचा ढळू लागल्यावर पदर
खूप श्रुंगार केला ऋतुंनी तरी
सांगते काय ही वाळलेली नजर
थांबण्याएवढे भाग्य नाही तुझे
चालण्याएवढा मार्ग नाही सुकर
--सुशांत..
गझल
- प्रतिसाद देण्यासाठी येण्याची नोंद करा