तसा कुणाला नाही मी आवडण्याजोगा
कुणाला म्हणू, "माझ्याशी प्रेमाने वागा?"...हातावरच्या रेषा सगळ्या मिटल्या माझ्या
पायांना का पडल्या इतक्या जखमा-भेगा...उसवत गेली का मायेची किनार ही?
कळले नाही तुटून गेला केव्हा धागा...स्वप्नांना मी भिऊन आता झोपत नाही
रात्र-रात्र मी जाळत असतो राहुन जागा...वसंता, तुझा भरवसा कुठे आहे उरला?
फुलल्या तशाच उजाड झाल्या इथल्या बागा...आप-मतलबी दुनिया आहे अशी 'अजब' ही;
नको मना तू करूस आता उगाच त्रागा...
गझल
- प्रतिसाद देण्यासाठी येण्याची नोंद करा