चमकण्याचे अचानक कारण येते
तिथे नेमके चंद्रास ग्रहण येते
धान्य पिकविले तू आणि मी सारखे
फरक इतकाच की तुला दळण येते
खेळू नकोस मनाशी! लक्षात घे -
हे, कि तुझ्याइतकेच मलापण येते
बदलू नये कुणीच केंव्हा कुणाचे
असते नशीब तिथे देवपण येते
घडते असेच प्रेम..! का ? कोण जाणे ..
जिथे जावे सरळ, तिथे वळण येते
हे रोजचे नाही जळणे मनाचे
येते ! कधी तुझीच आठवण येते...
चल, करूया गुंठेवारी मनाची,
अन् मला कुठे करता भांडण येते...?
गझल
- प्रतिसाद देण्यासाठी येण्याची नोंद करा