कशासाठी ?

दूरच्या फुलातुनी हे, पाहणे कशासाठी ?
स्पंदनात श्वास बनुनी, वाहणे कशासाठी ?

बोल तू  मनामधला, शब्द शब्द बेतलेला
कोष पांघरून परके, राहणे कशासाठी ?

वेदनेस अंतरीच्या, वाट तू गुलाबांना
खोचला उरात काटा, साहणे कशासाठी ?

गंध कस्तुरीचा तू, रंध्र रंध्र भारणारा
लेपुनी सुगंध खोटा, नाहणे कशासाठी ?

जीवनास एकट्याने, भेटणे मनी होते
जीव लावूनी कुणाचे, जाहणे कशासाठी ?

खंत खेद ना कशाचा, वेड घेरूनी यावे
घाव झेलण्यास व्हावे, शाहणे कशासाठी ?