माझ्याच आरशाला "मी" आवडू नये ?
वादात या कुणीही सहसा पडू नये !
हासून हुंदक्यांना मी टाळले जरी
काहूर आसवांचे दडता दडू नये ?
जेव्हा फुला प्रमाणे - स्पर्शेन मी तुला !
काटा बनून कोणी तेव्हा नडू नये !
येऊ नकाच कोणी - मागायला मते !
दारात दु:खीतांच्या कोणी रडू नये !
आश्वासुनी "उद्याला" जे श्वास घोटती !
(त्यांचे कुठे कधीही काही अडू नये ?)
मयुरेश साने..दि..१७-फेब-११
गझल
- प्रतिसाद देण्यासाठी येण्याची नोंद करा