राहिले रे अजून श्वास किती ?*

* राहिले रे अजून श्वास किती ?
जीवनाची कथा उदास किती

दूर गेलीस तू.. निघून जरी...
दरवळे गंध... आसपास किती

चौकटीचे कुठे असे.. जगणे...
जीवनाला परीघ्-व्यास किती

गंध गेला... उडून पार जरी...
मी जपावे जुन्या फुलास किती ?

ऐकतो... पाहुण्यांस मान इथे
बंद दारेच स्वागतास किती !

सूर माझ्यामधून... दूर अता...
आळवू मी तरी सुखास किती ?

- जनार्दन केशव म्हात्रे
२/ खलिफा निवास, गांधी नगर, जुना बेलापूर रोड,
कळवा-ठाणे ४००६०५.  भ्रमणध्वनी: ९३२३५५५६८८