विचाराधीन

* यशदीप *

मी नभांवर नाचत आले
चांदण्यांवर चालत आले

वीज ही वर का चमकते
सूर्याला जर पाहत आले

बंड हे करणारच आता
विजयी मन हासत आले

सारले मळभट दु:खाचे
सुख हाती मावत आले

तेजस्वी मज साठीच वाटा
यशदीप लावत आले

- स्वप्ना

   सुखकर्ता

कधी समजून मला न गेले कोणी
आज मन माझे उमजून गेले कोणी

सावलीचेही संग जिथे नव्हते
ताफा साथ करुन गेले कोणी

हरवलेल्या मला गावही नव्हते
पत्त्यावर पोहचवून गेले कोणी

रडून डोळ्यांतले अश्रूही संपलेले
ओठांवर हासू फुलवून गेले कोणी

उदासीत या हर्ष जराही नव्हते
ओंजळीत सुख भरुन गेले कोणी

सुखकर्त्याला जगभर शोधत होते
'ह्रदयातच तो आहे' वदून गेले कोणी

- स्वप्ना